islam aur kufr hamara hi nam hai

islām aur kufr hamārā hī naam hai

ka.aba kunisht donoñ meñ apnā maqām hai

ye ishq jis kā shor hai aalam meñ haiñ hamīñ

ye husn ham haiñ jis kī ye sab dhuum dhaam hai

ban kar suḳhan zabān pe aalam kī haiñ hamīñ

masrūf apne zikr meñ bas har ik daam hai

dekho jis aañkh meñ to hamārā hī nuur hai

har kaan meñ bharā ye hamārā kalām hai

jo kushtagān-e-ma.arka-e-teġh-e-ishq haiñ

un ke liye ye ālam-e-hastī davām hai

kū-e-sanam se ham ko sarokār hai faqat

vaa.iz tirī bahisht ko apnā salām hai

'āsim' na chhoḌo dāman-e-ḳhādim-safī kabhūñ

ma.amūr jis kī faiz se har ḳhās-o-ām hai

islam aur kufr hamara hi nam hai

kaba kunisht donon mein apna maqam hai

ye ishq jis ka shor hai aalam mein hain hamin

ye husn hum hain jis ki ye sab dhum dham hai

ban kar suKHan zaban pe aalam ki hain hamin

masruf apne zikr mein bas har ek dam hai

dekho jis aankh mein to hamara hi nur hai

har kan mein bhara ye hamara kalam hai

jo kushtagan-e-marka-e-tegh-e-ishq hain

un ke liye ye aalam-e-hasti dawam hai

ku-e-sanam se hum ko sarokar hai faqat

waiz teri bahisht ko apna salam hai

'asim' na chhoDo daman-e-KHadim-safi kabhun

mamur jis ki faiz se har KHas-o-am hai