itna be-asra nahin hun main

itnā be-āsrā nahīñ huuñ maiñ

aadmī huuñ ḳhudā nahīñ huuñ maiñ

hai abhī merī justujū jaarī

ya.anī ḳhud ko milā nahīñ huuñ maiñ

maiñ ne da.avā kiyā na hone kā

mujh ko ma.alūm thā nahīñ huuñ maiñ

nikal aayā maiñ zaat se bāhar

apne andar rahā nahīñ huuñ maiñ

maiñ jo huuñ maiñ bhī asl meñ tum huuñ

merī jaañ dūsrā nahīñ huuñ maiñ

tum mujhe jaan hī nahīñ sakte

aks huuñ aa.inā nahīñ huuñ maiñ

huuñ burā, māntā huuñ maiñ lekin

is qadar bhī burā nahīñ huuñ maiñ

dūsroñ kī to baat hī hai alag

apnā bhī ham-navā nahīñ huuñ maiñ

rāz-e-sar-basta kī tarah 'sāhir'

abhī ḳhud par khulā nahīñ huuñ maiñ

itna be-asra nahin hun main

aadmi hun KHuda nahin hun main

hai abhi meri justuju jari

yani KHud ko mila nahin hun main

main ne dawa kiya na hone ka

mujh ko malum tha nahin hun main

nikal aaya main zat se bahar

apne andar raha nahin hun main

main jo hun main bhi asl mein tum hun

meri jaan dusra nahin hun main

tum mujhe jaan hi nahin sakte

aks hun aaina nahin hun main

hun bura, manta hun main lekin

is qadar bhi bura nahin hun main

dusron ki to baat hi hai alag

apna bhi ham-nawa nahin hun main

raaz-e-sar-basta ki tarah 'sahir'

abhi KHud par khula nahin hun main