jaan tak kar di fida lekin sila kuchh bhi nahin

jaan tak kar dī fidā lekin sila kuchh bhī nahīñ

aap kī nazroñ meñ kyā merī vafā kuchh bhī nahīñ

chhīn liiñ ḳhushiyāñ mirī āñkhoñ se merī niiñd bhī

zindagī tū ne mujhe ab tak diyā kuchh bhī nahīñ

saiñkaḌoñ mujh par sitam kartā rahā vo umr-bhar

phir bhī maiñ ne aaj tak us se kahā kuchh bhī nahīñ

de rahe haiñ gāliyāñ yā phir duā.eñ mujh ko aap

kyā kahūñ ab aap se maiñ ne sunā kuchh bhī nahīñ

aap kī bātoñ meñ aa kar kho diyā dil kā sukūñ

zindagī meñ dekhiye merī bachā kuchh bhī nahīñ

jaan tak kar di fida lekin sila kuchh bhi nahin

aap ki nazron mein kya meri wafa kuchh bhi nahin

chhin lin KHushiyan meri aankhon se meri nind bhi

zindagi tu ne mujhe ab tak diya kuchh bhi nahin

sainkaDon mujh par sitam karta raha wo umr-bhar

phir bhi main ne aaj tak us se kaha kuchh bhi nahin

de rahe hain galiyan ya phir duaen mujh ko aap

kya kahun ab aap se main ne suna kuchh bhi nahin

aap ki baaton mein aa kar kho diya dil ka sukun

zindagi mein dekhiye meri bacha kuchh bhi nahin