jab dil hi nahin hai pahlu mein phir ishq ka sauda kaun kare

jab dil hī nahīñ hai pahlū meñ phir ishq kā saudā kaun kare

ab un se mohabbat kaun kare ab un kī tamannā kaun kare

ab hijr ke sadme sahne ko patthar kā kaleja kaun kare

in lambī lambī rātoñ kā mar mar ke saverā kaun kare

ham rasm-e-vafā ko mānte haiñ ādāb-e-mohabbat jānte haiñ

ham baat kī tah pahchānte haiñ phir aap ko rusvā kaun kare

ai jazba-e-ulfat tū hī batā kuchh had bhī hai is nākāmī kī

māyūs nigāhoñ se un kā mahfil meñ nazārā kaun kare

ham dekh chuke haañ dekh chuke dastūr tumhārī mahfil kā

jab shukr pe ye pābandī hai phir jur.at-e-shikva kaun kare

jab dil hi nahin hai pahlu mein phir ishq ka sauda kaun kare

ab un se mohabbat kaun kare ab un ki tamanna kaun kare

ab hijr ke sadme sahne ko patthar ka kaleja kaun kare

in lambi lambi raaton ka mar mar ke sawera kaun kare

hum rasm-e-wafa ko mante hain aadab-e-mohabbat jaante hain

hum baat ki tah pahchante hain phir aap ko ruswa kaun kare

ai jazba-e-ulfat tu hi bata kuchh had bhi hai is nakaami ki

mayus nigahon se un ka mahfil mein nazara kaun kare

hum dekh chuke han dekh chuke dastur tumhaari mahfil ka

jab shukr pe ye pabandi hai phir jurat-e-shikwa kaun kare