jab se bulbul tu ne do tinke liye
jab se bulbul tū ne do tinke liye
TūTtī haiñ bijliyāñ in ke liye
hai javānī ḳhud javānī kā siñgār
sādgī gahna hai is sin ke liye
kaun vīrāne meñ dekhegā bahār
phuul jañgal meñ khile kin ke liye
saarī duniyā ke haiñ vo mere sivā
maiñ ne duniyā chhoḌ dī jin ke liye
bāġhbāñ kaliyāñ hoñ halke rañg kī
bhejnī hai ek kam-sin ke liye
sab hasīñ haiñ zāhidoñ ko nā-pasand
ab koī huur aa.egī in ke liye
vasl kā din aur itnā muḳhtasar
din gine jaate the is din ke liye
sub.h kā sonā jo haath aatā 'amīr'
bhejte tohfa mo.azzin ke liye
jab se bulbul tu ne do tinke liye
TuTti hain bijliyan in ke liye
hai jawani KHud jawani ka singar
sadgi gahna hai is sin ke liye
kaun virane mein dekhega bahaar
phul jangal mein khile kin ke liye
sari duniya ke hain wo mere siwa
main ne duniya chhoD di jin ke liye
baghban kaliyan hon halke rang ki
bhejni hai ek kam-sin ke liye
sab hasin hain zahidon ko na-pasand
ab koi hur aaegi in ke liye
wasl ka din aur itna muKHtasar
din gine jate the is din ke liye
subh ka sona jo hath aata 'amir'
bhejte tohfa moazzin ke liye
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
