jahan qatre ko tarsaya gaya hun

Hafeez Jalandhari

jahan qatre ko tarsaya gaya hun

Hafeez Jalandhari

MORE BYHafeez Jalandhari

    jahāñ qatre ko tarsāyā gayā huuñ

    vahīñ Duubā huā paayā gayā huuñ

    ba-hāl-e-gumrahī paayā gayā huuñ

    haram se dair meñ laayā gayā huuñ

    balā kaafī na thī ik zindagī

    dobāra yaad farmāyā gayā huuñ

    ba-rañg-e-lāla-e-vīrāna bekār

    khilāyā aur murjhāyā gayā huuñ

    agarche abr-e-gauhar-bār huuñ maiñ

    magar āñkhoñ se barsāyā gayā huuñ

    supurd-e-ḳhāk karnā thā mujh ko

    to phir kaahe ko nahlāyā gayā huuñ

    farishte ko na maiñ shaitān samjhā

    natīja ye ki bahkāyā gayā huuñ

    koī san.at nahīñ mujh meñ to phir kyuuñ

    numā.ish-gāh meñ laayā gayā huuñ

    ba-qaul-e-barhaman qahr-e-ḳhudā huuñ

    butoñ ke husn par Dhāyā gayā huuñ

    mujhe to is ḳhabar ne kho diyā hai

    sunā hai maiñ kahīñ paayā gayā huuñ

    'hafīz' ahl-e-zabāñ kab mānte the

    baḌe zoroñ se manvāyā gayā huuñ

    jahan qatre ko tarsaya gaya hun

    wahin Duba hua paya gaya hun

    ba-haal-e-gumrahi paya gaya hun

    haram se dair mein laya gaya hun

    bala kafi na thi ek zindagi ki

    dobara yaad farmaya gaya hun

    ba-rang-e-lala-e-virana bekar

    khilaya aur murjhaya gaya hun

    agarche abr-e-gauhar-bar hun main

    magar aankhon se barsaya gaya hun

    supurd-e-KHak hi karna tha mujh ko

    to phir kahe ko nahlaya gaya hun

    farishte ko na main shaitan samjha

    natija ye ki bahkaya gaya hun

    koi sanat nahin mujh mein to phir kyun

    numaish-gah mein laya gaya hun

    ba-qaul-e-barhaman qahr-e-KHuda hun

    buton ke husn par Dhaya gaya hun

    mujhe to is KHabar ne kho diya hai

    suna hai main kahin paya gaya hun

    'hafiz' ahl-e-zaban kab mante the

    baDe zoron se manwaya gaya hun

    Videos
    This video is playing from YouTube

    Videos
    This video is playing from YouTube

    Hafeez Jalandhari

    Hafeez Jalandhari

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY