aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

jhunjhlae hain lajae hain phir muskurae hain

Khumar Barabankavi

jhunjhlae hain lajae hain phir muskurae hain

Khumar Barabankavi

MORE BYKhumar Barabankavi

    jhunjhlā.e haiñ lajā.e haiñ phir muskurā.e haiñ

    kis ehtimām se unheñ ham yaad aa.e haiñ

    dair-o-haram ke habs-kadoñ ke satā.e haiñ

    ham aaj mai-kade havā khāne aa.e haiñ

    ab ke aah karne ke ādāb aa.e haiñ

    duniyā samajh rahī hai ki ham muskurā.e haiñ

    guzre haiñ mai-kade se jo tauba ke ba.ad ham

    kuchh duur ādatan bhī qadam laḌkhaḌā.e haiñ

    ai josh-e-girya dekh na karnā ḳhajil mujhe

    āñkheñ mirī zarūr haiñ aañsū parā.e haiñ

    ai maut ai bahisht-e-sukūñ aa ḳhush-āmdīd

    ham zindagī meñ pahle pahal muskurā.e haiñ

    jitnī bhī mai-kade meñ hai saaqī pilā de aaj

    ham tishna-kām zohd ke sahrā se aa.e haiñ

    insān jīte-jī kareñ tauba ḳhatāoñ se

    majbūriyoñ ne kitne farishte banā.e haiñ

    samjhāte qabl-e-ishq to mumkin thā bantī baat

    nāseh ġharīb ab hameñ samjhāne aa.e haiñ

    ka.abe meñ ḳhairiyat to hai sab hazrat-e-'ḳhumār'

    ye dair hai janāb yahāñ kaise aa.e haiñ

    jhunjhlae hain lajae hain phir muskurae hain

    kis ehtimam se unhen hum yaad aae hain

    dair-o-haram ke habs-kadon ke satae hain

    hum aaj mai-kade ki hawa khane aae hain

    ab ja ke aah karne ke aadab aae hain

    duniya samajh rahi hai ki hum muskurae hain

    guzre hain mai-kade se jo tauba ke baad hum

    kuchh dur aadatan bhi qadam laDkhaDae hain

    ai josh-e-girya dekh na karna KHajil mujhe

    aankhen meri zarur hain aansu parae hain

    ai maut ai bahisht-e-sukun aa KHush-amdid

    hum zindagi mein pahle pahal muskurae hain

    jitni bhi mai-kade mein hai saqi pila de aaj

    hum tishna-kaam zohd ke sahra se aae hain

    insan jite-ji karen tauba KHataon se

    majburiyon ne kitne farishte banae hain

    samjhate qabl-e-ishq to mumkin tha banti baat

    naseh gharib ab hamein samjhane aae hain

    kabe mein KHairiyat to hai sab hazrat-e-'KHumar'

    ye dair hai janab yahan kaise aae hain

    Videos
    This video is playing from YouTube

    Videos
    This video is playing from YouTube

    Begum Akhtar

    Begum Akhtar

    Khumar Barabankavi

    Khumar Barabankavi

    RECITATIONS

    Khumar Barabankavi

    Khumar Barabankavi,

    Khumar Barabankavi

    jhunjhlae hain lajae hain phir muskurae hain Khumar Barabankavi

    Tagged Under

    This content features in following collection(s)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now