ji par bhi humne jabr kiya iKHtiyar tak

jī par bhī ham ne jabr kiyā iḳhtiyār tak

jiite rahe aḳhīr dam-e-intizār tak

kis ko nasīb hote haiñ phir jalsa-hā-e-mai

jiitā hai kaun dekhiye aglī bahār tak

uf-re sitam ki bahr-e-duā-e-visāl-e-ġhair

vo paañv chal ke aa.e haiñ mere mazār tak

tum bhī karoge jabr shab o roz is qadar

ham bhī kareñge sabr magar iḳhtiyār tak

shākī nahīñ maiñ naḳhvat-e-gul hī kā ai 'vafā'

mujh se chaman meñ nok kī lete haiñ ḳhaar tak

ji par bhi hum ne jabr kiya iKHtiyar tak

jite rahe aKHir dam-e-intizar tak

kis ko nasib hote hain phir jalsa-ha-e-mai

jita hai kaun dekhiye agli bahaar tak

uf-re sitam ki bahr-e-dua-e-visal-e-ghair

wo panw chal ke aae hain mere mazar tak

tum bhi karoge jabr shab o roz is qadar

hum bhi karenge sabr magar iKHtiyar tak

shaki nahin main naKHwat-e-gul hi ka ai 'wafa'

mujh se chaman mein nok ki lete hain KHar tak