جو بھی تیری آنکھ کو بھا جائے گا
جان جاں محبوب سمجھا جائے گا
نام زلفوں کا نہ لینا بھول کر
دل کا پنچھی دام میں آ جائے گا
وقت کے مقتل میں ہم ہیں دوستو
وقت اک دن ہم کو بھی کھا جائے گا
وہ سمجھتا ہے مری حالت مگر
میں اگر کہہ دوں تو شرما جائے گا
کچھ نہ کہنا رازداں بس دیکھنا
آنکھ سے وہ مدعا پا جائے گا
کہہ رہے ہیں وہ نہ بسملؔ یوں تڑپ
تجھ پہ ظالم دل مرا آ جائے گا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
