justuju ne teri har chand thaka rakkha hai

justujū ne tirī har chand thakā rakkhā hai

phir bhī kyā ġham ki isī meñ to maza rakkhā hai

kuchh to apnī bhī tabī.at hai gurezāñ un se

kuchh mizāj un kā bhī bar-dosh-e-havā rakkhā hai

kyā tujhe ilm nahīñ terī razā kī ḳhātir

maiñ ne kis kis ko zamāne meñ ḳhafā rakkhā hai

jab nazar uTThī ruḳh-e-yār pe jā kar Thahrī

jaise āñkhoñ meñ koī qibla-numā rakkhā hai

kaun huuñ kyā huuñ kahāñ huuñ mujhe mālūm nahīñ

zindagī tū ne ye kis moḌ pe lā rakkhā hai

naam kā aks bhī ā.īna-e-kirdār meñ rakh

naam 'aḳhlāq' sahī naam meñ kyā rakkhā hai

justuju ne teri har chand thaka rakkha hai

phir bhi kya gham ki isi mein to maza rakkha hai

kuchh to apni bhi tabiat hai gurezan un se

kuchh mizaj un ka bhi bar-dosh-e-hawa rakkha hai

kya tujhe ilm nahin teri raza ki KHatir

main ne kis kis ko zamane mein KHafa rakkha hai

jab nazar uTThi ruKH-e-yar pe ja kar Thahri

jaise aankhon mein koi qibla-numa rakkha hai

kaun hun kya hun kahan hun mujhe malum nahin

zindagi tu ne ye kis moD pe la rakkha hai

nam ka aks bhi aaina-e-kirdar mein rakh

nam 'aKHlaq' sahi nam mein kya rakkha hai