juz qurbat-e-jaan parda-e-jaan koi nahin tha

juz qurbat-e-jāñ parda-e-jāñ koī nahīñ thā

vo thā to vahāñ aur jahāñ koī nahīñ thā

thā ek ḳhayāl aur ḳhayāl-e-ruḳh-e-jānāñ

vo vāhima-e-vahm-o-gumāñ koī nahīñ thā

ik sā.at-e-sad-sāl meñ Thahrā thā kahīñ dil

phir qāfila-e-umr-e-ravāñ koī nahīñ thā

thā koī vahāñ jo hai yahāñ bhī hai vahāñ bhī

jo huuñ maiñ yahāñ huuñ maiñ vahāñ koī nahīñ thā

sad-shukr zamāne ko na thā gosh-e-samā.at

ham ko bhī magar rabt-e-zabāñ koī nahīñ thā

juz qurbat-e-jaan parda-e-jaan koi nahin tha

wo tha to wahan aur jahan koi nahin tha

tha ek KHayal aur KHayal-e-ruKH-e-jaanan

wo wahima-e-wahm-o-guman koi nahin tha

ek saat-e-sad-sal mein Thahra tha kahin dil

phir qafila-e-umr-e-rawan koi nahin tha

tha koi wahan jo hai yahan bhi hai wahan bhi

jo hun main yahan hun main wahan koi nahin tha

sad-shukr zamane ko na tha gosh-e-samaat

hum ko bhi magar rabt-e-zaban koi nahin tha