kabhi kitabon mein phul rakhna kabhi daraKHton pe nam likhna
kabhī kitāboñ meñ phuul rakhnā kabhī daraḳhtoñ pe naam likhnā
hameñ bhī hai yaad aaj tak vo nazar se harf-e-salām likhnā
vo chāñd chehre vo bahkī bāteñ sulagte din the mahaktī rāteñ
vo chhoTe chhoTe se kāġhazoñ par mohabbatoñ ke payām likhnā
gulāb chehroñ se dil lagānā vo chupke chupke nazar milānā
vo ārzūoñ ke ḳhvāb bunñā vo qissa-e-nā-tamām likhnā
mire nagar kī hasīñ fazāo kahīñ jo un kā nishān paao
to pūchhnā ye kahāñ base vo kahāñ hai un kā qayām likhnā
khulī fazāoñ meñ saañs lenā abas hai ab to ghuTan hai aisī
ki chāroñ jānib shajar khaḌe haiñ salīb-sūrat tamām likhnā
ga.ī rutoñ meñ 'hasan' hamārā bas ek hī to ye mashġhala thā
kisī ke chehre ko sub.h kahnā kisī kī zulfoñ ko shaam likhnā
kabhi kitabon mein phul rakhna kabhi daraKHton pe nam likhna
hamein bhi hai yaad aaj tak wo nazar se harf-e-salam likhna
wo chand chehre wo bahki baaten sulagte din the mahakti raaten
wo chhoTe chhoTe se kaghazon par mohabbaton ke payam likhna
gulab chehron se dil lagana wo chupke chupke nazar milana
wo aarzuon ke KHwab bunna wo qissa-e-na-tamam likhna
mere nagar ki hasin fazao kahin jo un ka nishan pao
to puchhna ye kahan base wo kahan hai un ka qayam likhna
khuli fazaon mein sans lena abas hai ab to ghuTan hai aisi
ki chaaron jaanib shajar khaDe hain salib-surat tamam likhna
gai ruton mein 'hasan' hamara bas ek hi to ye mashghala tha
kisi ke chehre ko subh kahna kisi ki zulfon ko sham likhna
Source:
Mujalla Dastavez (Pg. 162)
- Author: Aziz Nabeel
-
- Edition: 2010
- Publisher: Edarah Dastavez
- Year of Publication: 2010
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
