kabhi yaad-e-KHuda kabhi ishq-e-butan yunhi sari umr ganwa baiTha

kabhī yād-e-ḳhudā kabhī ishq-e-butāñ yūñhī saarī umr gañvā baiThā

ab āḳhir-e-umr meñ aa ke khulā na thī ye sachchī na thā vo sachchā

kabhī ḳhvāhish-e-duniyā le Duubī kabhī ḳhauf-e-ḳhudā ne tañg kiyā

ab aa kar bhed khulā ham par na thī ye achchhī na thā vo achchhā

sar par gaThrī añgāroñ kī aur ḳhvāhish paar utarne kī

aage bārīk sā nāzuk pul aur nīche aag kā ik dariyā

kuchh uqde aise hote haiñ jo na hī khuleñ to behtar hai

kuchh bāteñ aisī hotī haiñ jinheñ dil meñ chhupā lenā achchhā

vo mirzā agle vaqtoñ kā vo sāhebāñ guzre vaqtoñ kī

jo karnā thā vo kar guzre jo kahnā thā vo kah dekhā

ajdād kahīñ tum hal Daalo aur fasl ugaao karmoñ kī

pīchhe tārīḳh kā hāñkā hai aur aage bail Darā sahmā

kabhi yaad-e-KHuda kabhi ishq-e-butan yunhi sari umr ganwa baiTha

ab aaKHir-e-umr mein aa ke khula na thi ye sachchi na tha wo sachcha

kabhi KHwahish-e-duniya le Dubi kabhi KHauf-e-KHuda ne tang kiya

ab aa kar bhed khula hum par na thi ye achchhi na tha wo achchha

sar par gaThri angaron ki aur KHwahish par utarne ki

aage barik sa nazuk pul aur niche aag ka ek dariya

kuchh uqde aise hote hain jo na hi khulen to behtar hai

kuchh baaten aisi hoti hain jinhen dil mein chhupa lena achchha

wo mirza agle waqton ka wo saheban guzre waqton ki

jo karna tha wo kar guzre jo kahna tha wo kah dekha

ajdad kahin tum hal Dalo aur fasl ugao karmon ki

pichhe tariKH ka hanka hai aur aage bail Dara sahma