kabhi zaban pe na aaya ki aarzu kya hai

kabhī zabāñ pe na aayā ki aarzū kyā hai

ġharīb dil pe ajab hasratoñ kā saayā hai

sabā ne jāgtī āñkhoñ ko chuum chuum liyā

na jaane āḳhir-e-shab intizār kis kā hai

ye kis kī jalvagarī kā.enāt hai merī

ki ḳhaak ho ke bhī dil shola-e-tamannā hai

tirī nazar kī bahār-āfrīniyāñ taslīm

magar ye dil meñ jo kāñTā sā ik khaTaktā hai

jahān-e-fikr-o-nazar kī uḌā rahī hai hañsī

ye zindagī jo sar-e-rahguzar tamāshā hai

ye dasht vo hai jahāñ rāsta nahīñ miltā

abhī se lauT chalo ghar abhī ujālā hai

yahī rahā hai bas ik dil ke ġham-gusāroñ meñ

Thahar Thahar ke jo aañsū palak tak aatā hai

Thahar ga.e ye kahāñ aa ke roz o shab 'aḳhtar'

ki āftāb hai sar par magar añdherā hai

kabhi zaban pe na aaya ki aarzu kya hai

gharib dil pe ajab hasraton ka saya hai

saba ne jagti aankhon ko chum chum liya

na jaane aaKHir-e-shab intizar kis ka hai

ye kis ki jalwagari kaenat hai meri

ki KHak ho ke bhi dil shola-e-tamanna hai

teri nazar ki bahaar-afriniyan taslim

magar ye dil mein jo kanTa sa ek khaTakta hai

jahan-e-fikr-o-nazar ki uDa rahi hai hansi

ye zindagi jo sar-e-rahguzar tamasha hai

ye dasht wo hai jahan rasta nahin milta

abhi se lauT chalo ghar abhi ujala hai

yahi raha hai bas ek dil ke gham-gusaron mein

Thahar Thahar ke jo aansu palak tak aata hai

Thahar gae ye kahan aa ke roz o shab 'aKHtar'

ki aaftab hai sar par magar andhera hai