kahin jalti apni hi aanch se kahin KHushbuon mein bhari hui

kahīñ jaltī apnī hī aañch se kahīñ ḳhushbuoñ meñ bharī huī

koī shāḳh-e-gul thī ki aag thī mire bāzuoñ meñ bharī huī

vo tilismī raat abhī talak mire jism o jaañ pe muhīt hai

vo jo raat utrī thī arsh se tire jāduoñ meñ bharī huī

tire chashm o lab kī shabāhateñ mujhe roz o shab mileñ baaġh meñ

kahīñ titliyoñ pe likhī huī kahīñ jugnuoñ meñ bharī huī

mujhe sair-e-gul kī kisī ravish pe milī nahīñ hai misāl bhī

koī be-misāl sī mushk thī tire gesuoñ meñ bharī huī

tū chalā gayā hai to shahr phir vahī dasht-e-ġham hai mire liye

vahī maiñ huuñ aur mirī zindagī mire āñsuoñ meñ bharī huī

kahin jalti apni hi aanch se kahin KHushbuon mein bhari hui

koi shaKH-e-gul thi ki aag thi mere bazuon mein bhari hui

wo tilismi raat abhi talak mere jism o jaan pe muhit hai

wo jo raat utri thi arsh se tere jaduon mein bhari hui

tere chashm o lab ki shabahaten mujhe roz o shab milen bagh mein

kahin titliyon pe likhi hui kahin jugnuon mein bhari hui

mujhe sair-e-gul ki kisi rawish pe mili nahin hai misal bhi

koi be-misal si mushk thi tere gesuon mein bhari hui

tu chala gaya hai to shahr phir wahi dasht-e-gham hai mere liye

wahi main hun aur meri zindagi mere aansuon mein bhari hui