kahin saqi ka faiz-e-am bhi hai

kahīñ saaqī kā faiz-e-ām bhī hai

kisī shīshe pe merā naam bhī hai

vo chashm-e-mast mai bhī jaam bhī hai

phire to gardish-e-ayyām bhī hai

navā-e-chañg o barbat sunñe vaalo

pas-e-parda baḌā kohrām bhī hai

mirī fard-e-junūñ pe ai bahāro

gavāhoñ meñ ḳhizāñ kā naam bhī hai

na pūchho bebasī us tishna-lab kī

ki jis kī dastaras meñ jaam bhī hai

mohabbat kī sazā tark-e-mohabbat

mohabbat kā yahī in.aam bhī hai

nigāh-e-shauq hai gustāḳh lekin

nigāh-e-shauq kuchh badnām bhī hai

nigāhoñ kā tasādum kis ne dekhā

magar ye raaz tasht az baam bhī hai

kahin saqi ka faiz-e-am bhi hai

kisi shishe pe mera nam bhi hai

wo chashm-e-mast mai bhi jam bhi hai

phire to gardish-e-ayyam bhi hai

nawa-e-chang o barbat sunne walo

pas-e-parda baDa kohram bhi hai

meri fard-e-junun pe ai bahaaro

gawahon mein KHizan ka nam bhi hai

na puchho bebasi us tishna-lab ki

ki jis ki dastaras mein jam bhi hai

mohabbat ki saza tark-e-mohabbat

mohabbat ka yahi inam bhi hai

nigah-e-shauq hai gustaKH lekin

nigah-e-shauq kuchh badnam bhi hai

nigahon ka tasadum kis ne dekha

magar ye raaz tasht az baam bhi hai