kahna hi mera kya hai ki main kuchh nahin kahta
kahnā hī mirā kyā hai ki maiñ kuchh nahīñ kahtā
ye bhī tumheñ dhokā hai ki maiñ kuchh nahīñ kahtā
ye baat ki kahnā hai mujhe tum se bahut kuchh
is baat se paidā hai ki maiñ kuchh nahīñ kahtā
apnī hī kahe jaatā hai ai nāseh-e-nā-faham
tū kuchh nahīñ suntā hai ki maiñ kuchh nahīñ kahtā
rahtā hai vo but shikva-e-aġhyār pe ḳhāmosh
kahtā hai to kahtā hai ki maiñ kuchh nahīñ kahtā
kahlāo na kuchh ġhair kī tārīf meñ mujh se
samjho to ye thoḌā hai ki maiñ kuchh nahīñ kahtā
kahne kā to apne hai 'vafā' aap bhī qaa.el
kahne ko ye kahtā hai ki maiñ kuchh nahīñ kahtā
kahna hi mera kya hai ki main kuchh nahin kahta
ye bhi tumhein dhoka hai ki main kuchh nahin kahta
ye baat ki kahna hai mujhe tum se bahut kuchh
is baat se paida hai ki main kuchh nahin kahta
apni hi kahe jata hai ai naseh-e-na-faham
tu kuchh nahin sunta hai ki main kuchh nahin kahta
rahta hai wo but shikwa-e-aghyar pe KHamosh
kahta hai to kahta hai ki main kuchh nahin kahta
kahlao na kuchh ghair ki tarif mein mujh se
samjho to ye thoDa hai ki main kuchh nahin kahta
kahne ka to apne hai 'wafa' aap bhi qael
kahne ko ye kahta hai ki main kuchh nahin kahta
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
