kanar-e-ab khaDa KHud se kah raha hai koi

Shakeb Jalali

kanar-e-ab khaDa KHud se kah raha hai koi

Shakeb Jalali

MORE BYShakeb Jalali

    kanār-e-āb khaḌā ḳhud se kah rahā hai koī

    gumāñ guzartā hai ye shaḳhs dūsrā hai koī

    havā ne toḌ ke patta zamīñ pe pheñkā hai

    ki shab jhiil meñ patthar girā diyā hai koī

    baTā sake haiñ paḌosī kisī dard kabhī

    yahī bahut hai ki chehre se āshnā hai koī

    daraḳht-e-rāh batā.eñ hilā hilā kar haath

    ki qāfile se musāfir bichhaḌ gayā hai koī

    chhuḌā ke haath bahut duur bah gayā hai chāñd

    kisī ke saath samundar meñ Dūbtā hai koī

    ye āsmān se TuuTā huā sitāra hai

    ki dasht-e-shab meñ bhaTaktī huī sadā hai koī

    makān aur nahīñ hai badal gayā hai makīñ

    ufuq vahī hai magar chāñd dūsrā hai koī

    fasīl-e-jism pe taaza lahū ke chhīñTe haiñ

    hudūd-e-vaqt se aage nikal gayā hai koī

    'shakeb' diip se lahrā rahe haiñ palkoñ par

    dayār-e-chashm meñ kyā aaj rat-jagā hai koī

    kanar-e-ab khaDa KHud se kah raha hai koi

    guman guzarta hai ye shaKHs dusra hai koi

    hawa ne toD ke patta zamin pe phenka hai

    ki shab ki jhil mein patthar gira diya hai koi

    baTa sake hain paDosi kisi ka dard kabhi

    yahi bahut hai ki chehre se aashna hai koi

    daraKHt-e-rah bataen hila hila kar hath

    ki qafile se musafir bichhaD gaya hai koi

    chhuDa ke hath bahut dur bah gaya hai chand

    kisi ke sath samundar mein Dubta hai koi

    ye aasman se TuTa hua sitara hai

    ki dasht-e-shab mein bhaTakti hui sada hai koi

    makan aur nahin hai badal gaya hai makin

    ufuq wahi hai magar chand dusra hai koi

    fasil-e-jism pe taza lahu ke chhinTe hain

    hudud-e-waqt se aage nikal gaya hai koi

    'shakeb' dip se lahra rahe hain palkon par

    dayar-e-chashm mein kya aaj rat-jaga hai koi

    Videos
    This video is playing from YouTube

    Videos
    This video is playing from YouTube

    Unknown

    Unknown

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY