kha ke kal ho pech-o-tab uTha jo dil se nala tha

khā ke kal ho pech-o-tāb uThā jo dil se naala thā

jā ke gardūñ pe chamaktā shola-e-javvāla thā

ḳhvāb meñ bosa liyā thā raat ba-lab-e-nāzukī

sub.h dam dekhā to us ke hoñTh pe but-ḳhāla thā

vaah rī afsurdagī is ḳhātir-e-dil-gīr kī

ashk kā qatra jo Tapkā chashm se so zhāla thā

thī ḳhayāle-e-mah-ruḳhāñ se shab baġhal labrez nuur

aab se ḳhālī va-lekin mai ba-rañg-e-hāla thā

kal ba-rañg-e-ġhuncha thī kis ko majāl-e-guftugū

baat jab kartā thā muñh meñ dil kā yak parkāla thā

bad-gumānī se Darā varna liyā terā jo naam

dekhnā bose kī ḳhātir maiñ lab-e-dallāla thā

kha ke kal ho pech-o-tab uTha jo dil se nala tha

ja ke gardun pe chamakta shola-e-jawwala tha

KHwab mein bosa liya tha raat ba-lab-e-nazuki

subh dam dekha to us ke honTh pe but-KHala tha

wah ri afsurdagi is KHatir-e-dil-gir ki

ashk ka qatra jo Tapka chashm se so zhaala tha

thi KHayale-e-mah-ruKHan se shab baghal labrez nur

aab se KHali wa-lekin mai ba-rang-e-haala tha

kal ba-rang-e-ghuncha thi kis ko majal-e-guftugu

baat jab karta tha munh mein dil ka yak parkala tha

bad-gumani se Dara warna liya tera jo nam

dekhna bose ki KHatir main lab-e-dallala tha