KHak the kahkashan ke the hi nahin

ḳhaak the kahkashāñ ke the hī nahīñ

ham kisī āsmāñ ke the hī nahīñ

us ne aisā kiyā nazar-andāz

jaise ham dāstāñ ke the hī nahīñ

tum ne jo bhī savāl ham se kiye

vo savāl imtihāñ ke the hī nahīñ

chhoḌ kar jo chale ga.e us ko

haañ vo hindostāñ ke the hī nahīñ

itnī jaldī jo bhar ga.e haiñ zaḳhm

jism ke the ye jaañ ke the hī nahīñ

sher dil meñ utar nahīñ paa.e

kyūñki dil kī zabāñ ke the hī nahīñ

mas.ala thā to bas anā kā thā

fāsle darmiyāñ ke the hī nahīñ

KHak the kahkashan ke the hi nahin

hum kisi aasman ke the hi nahin

us ne aisa kiya nazar-andaz

jaise hum dastan ke the hi nahin

tum ne jo bhi sawal hum se kiye

wo sawal imtihan ke the hi nahin

chhoD kar jo chale gae us ko

han wo hindostan ke the hi nahin

itni jaldi jo bhar gae hain zaKHm

jism ke the ye jaan ke the hi nahin

sher dil mein utar nahin pae

kyunki dil ki zaban ke the hi nahin

masala tha to bas ana ka tha

fasle darmiyan ke the hi nahin