aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

KHafa ho kar KHayalon mein bhi aana chhoD dete hain

Mohammad Aazam

KHafa ho kar KHayalon mein bhi aana chhoD dete hain

Mohammad Aazam

MORE BYMohammad Aazam

    ḳhafā ho kar ḳhayāloñ meñ bhī aanā chhoḌ dete haiñ

    kisī ko yaar is darja bhī tanhā chhoḌ dete haiñ

    samajhte nahīñ haiñ log nā-samjhī mushkil ko

    suhūlat dekhte haiñ aur samajhnā chhoḌ dete haiñ

    ye ham bhī jānte haiñ mulk-gīrī shauq hai be-jā

    magar ham jiit kar fauran ilāqa chhoḌ dete haiñ

    tire do ghūñT kar tishnagī bhaḌkī to ye jaanā

    vahī achchhe haiñ jo bilkul piyāsā chhoḌ dete haiñ

    hamāre dil meñ ab tāqat nahīñ sadme uThāne

    bahut bhāne lage jo us se milnā chhoḌ dete haiñ

    guzartī haiñ jo fīl-e-shab pe saj-dhaj kar tirī yādeñ

    ham un par apne sag-hā-e-tamannā chhoḌ dete haiñ

    hamāre muñh pe us ne aa.ine se dhuup tak pheñkī

    abhī tak ham samajh kar us ko bachcha chhoḌ dete haiñ

    tumhārā jaise chāhe koī anjām likh lenā

    chalo ham aaj ye qissa adhūrā chhoḌ dete haiñ

    hamesha jaan dete haiñ udhar māshūq duniyā par

    idhar āshiq vahī duniyā hamesha chhoḌ dete haiñ

    KHafa ho kar KHayalon mein bhi aana chhoD dete hain

    kisi ko yar is darja bhi tanha chhoD dete hain

    samajhte hi nahin hain log na-samjhi ki mushkil ko

    suhulat dekhte hain aur samajhna chhoD dete hain

    ye hum bhi jaante hain mulk-giri shauq hai be-ja

    magar hum jit kar fauran ilaqa chhoD dete hain

    tere do ghunT pi kar tishnagi bhaDki to ye jaana

    wahi achchhe hain jo bilkul piyasa chhoD dete hain

    hamare dil mein ab taqat nahin sadme uThane ki

    bahut bhane lage jo us se milna chhoD dete hain

    guzarti hain jo fil-e-shab pe saj-dhaj kar teri yaaden

    hum un par apne sag-ha-e-tamanna chhoD dete hain

    hamare munh pe us ne aaine se dhup tak phenki

    abhi tak hum samajh kar us ko bachcha chhoD dete hain

    tumhaara jaise ji chahe koi anjam likh lena

    chalo hum aaj ye qissa adhura chhoD dete hain

    hamesha jaan dete hain udhar mashuq duniya par

    idhar aashiq wahi duniya hamesha chhoD dete hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now