KHayal lams ka kar-e-sawab jaisa tha

ḳhayāl lams kā kār-e-savāb jaisā thā

asar sadā kā bhī mauj-e-sharāb jaisā thā

varaq nuche hue sab lafz o ma.anī gum-sum the

ye baat sach hai vo chehra kitāb jaisā thā

tamām raat vo pahlū ko garm kartā rahā

kisī kī yaad kā nashsha sharāb jaisā thā

udaas zarroñ ke ham-rāh koī phirtā rahā

ḳhamoshiyoñ kā bayābāñ sarāb jaisā thā

ik umr khoī to ye raaz mujh pe faash huā

ḳhayāl-e-mahr-o-vafā naqsh-e-āb jaisā thā

KHayal lams ka kar-e-sawab jaisa tha

asar sada ka bhi mauj-e-sharab jaisa tha

waraq nuche hue sab lafz o mani gum-sum the

ye baat sach hai wo chehra kitab jaisa tha

tamam raat wo pahlu ko garm karta raha

kisi ki yaad ka nashsha sharab jaisa tha

udas zarron ke ham-rah koi phirta raha

KHamoshiyon ka bayaban sarab jaisa tha

ek umr khoi to ye raaz mujh pe fash hua

KHayal-e-mahr-o-wafa naqsh-e-ab jaisa tha