KHayal mein bhi kabhi jab wo KHush-libas aae

ḳhayāl meñ bhī kabhī jab vo ḳhush-libās aa.e

mahakte phūloñ kī ḳhushbū bhī ās-pās aa.e

vafā mohabbatoñ īsār kī kitāboñ meñ

hamāre pyaar ke qissoñ meñ iqtibās aa.e

vafā ḳhulūs adā husn zulf aur naġhma

ḳhudā kare yahī lahja ġhazal ko raas aa.e

urūj-e-dār sabhī ko nahīñ huā hāsil

na jaane kitne zamāne meñ haq-shanās aa.e

hamāre azm ne tūfāñ ke ruḳh badal Daale

muḳhālifat kī havā aa sake to paas aa.e

ġharīb bhuuk kī Thokar se ḳhuun ḳhuun hue

kisī amiir ko ab to lahū kī baas aa.e

KHayal mein bhi kabhi jab wo KHush-libas aae

mahakte phulon ki KHushbu bhi aas-pas aae

wafa mohabbaton isar ki kitabon mein

hamare pyar ke qisson mein iqtibas aae

wafa KHulus ada husn zulf aur naghma

KHuda kare yahi lahja ghazal ko ras aae

uruj-e-dar sabhi ko nahin hua hasil

na jaane kitne zamane mein haq-shanas aae

hamare azm ne tufan ke ruKH badal Dale

muKHalifat ki hawa aa sake to pas aae

gharib bhuk ki Thokar se KHun KHun hue

kisi amir ko ab to lahu ki bas aae