KHayal us ka kahan se kahan nahin jata
ḳhayāl us kā kahāñ se kahāñ nahīñ jaatā
vahāñ bhī jaa.e ki jis jā gumāñ nahīñ jaatā
bas apne baaġh meñ mahv-e-ḳhirām rahtā hai
ki ḳhud se duur vo sarv-e-ravāñ nahīñ jaatā
hijāb us ke mire biich agar nahīñ koī
to kyuuñ ye fāsla-e-darmiyāñ nahīñ jaatā
koī Thahartā nahīñ yuuñ to vaqt ke aage
magar vo zaḳhm ki jis kā nishāñ nahīñ jaatā
na jaane us kī zabāñ meñ hai kyā asar 'farruḳh'
ki us se ho ke koī bad-gumāñ nahīñ jaatā
KHayal us ka kahan se kahan nahin jata
wahan bhi jae ki jis ja guman nahin jata
bas apne bagh mein mahw-e-KHiram rahta hai
ki KHud se dur wo sarw-e-rawan nahin jata
hijab us ke mere bich agar nahin koi
to kyun ye fasla-e-darmiyan nahin jata
koi Thaharta nahin yun to waqt ke aage
magar wo zaKHm ki jis ka nishan nahin jata
na jaane us ki zaban mein hai kya asar 'farruKH'
ki us se ho ke koi bad-guman nahin jata
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
