kisi ke narm taKHatub pe yun laga mujhko

kisī ke narm taḳhātub pe yuuñ lagā mujh ko

ki jaise saare masā.il kā hal milā mujh ko

kisī maqām pe vo bhī bichhaḌ ga.ī mujh se

nigāh-e-shauq jo detī thī hausla mujh ko

ki ham-safar ko samajhne lagā ḳhizar apnā

zarūratoñ ne kuchh aisā safar diyā mujh ko

tamām log hī dushman dikhā.ī dete haiñ

koī batā.e ki āḳhir ye kyā huā mujh ko

maiñ terī car kā ukhḌā huā koī purza

sukūñ talab hai to merī jagah pe lā mujh ko

mirā vajūd bhī qaqnus se kam nahīñ hai miyāñ

yaqīñ na aa.e to puurī tarah jalā mujh ko

maiñ aisā narm tabī.at kabhī na thā pahle

zarūr lams koī us kā chhū gayā mujh ko

maiñ chaah kar bhī tujhe qatl kar na pā.ūñgā

ye kis kā de diyā tū ne bhī vāsta mujh ko

kisi ke narm taKHatub pe yun laga mujh ko

ki jaise sare masail ka hal mila mujh ko

kisi maqam pe wo bhi bichhaD gai mujh se

nigah-e-shauq jo deti thi hausla mujh ko

ki ham-safar ko samajhne laga KHizar apna

zaruraton ne kuchh aisa safar diya mujh ko

tamam log hi dushman dikhai dete hain

koi batae ki aaKHir ye kya hua mujh ko

main teri car ka ukhDa hua koi purza

sukun talab hai to meri jagah pe la mujh ko

mera wajud bhi qaqnus se kam nahin hai miyan

yaqin na aae to puri tarah jala mujh ko

main aisa narm tabiat kabhi na tha pahle

zarur lams koi us ka chhu gaya mujh ko

main chah kar bhi tujhe qatl kar na paunga

ye kis ka de diya tu ne bhi wasta mujh ko