kisi surat agar izhaar ki surat nikal aae

kisī sūrat agar iz.hār kī sūrat nikal aa.e

to mumkin hai kisī se pyaar kī sūrat nikal aa.e

masīhā.ī pe vo kāfir agar īmān le aa.e

shifā kī shakl meñ bīmār kī sūrat nikal aa.e

agar vo bevafā zid chhoḌ de aur Thiik ho jaa.e

to shāyad phir mire ghar-bār kī sūrat nikal aa.e

koī to mo.ajaza aisā bhī ho apnī mohabbat meñ

tire inkār se iqrār kī sūrat nikal aa.e

bahut din ho ga.e 'arshad' vo mukhḌā chāñd sā dekhe

duā karnā koī dīdār kī sūrat nikal aa.e

kisi surat agar izhaar ki surat nikal aae

to mumkin hai kisi se pyar ki surat nikal aae

masihai pe wo kafir agar iman le aae

shifa ki shakl mein bimar ki surat nikal aae

agar wo bewafa zid chhoD de aur Thik ho jae

to shayad phir mere ghar-bar ki surat nikal aae

koi to moajaza aisa bhi ho apni mohabbat mein

tere inkar se iqrar ki surat nikal aae

bahut din ho gae 'arshad' wo mukhDa chand sa dekhe

dua karna koi didar ki surat nikal aae