kitna ajib shab ka ye manzar laga mujhe

kitnā 'ajīb shab kā ye manzar lagā mujhe

tāroñ kī saf meñ chāñd suḳhanvar lagā mujhe

sochā to ham-safar mujhe tanhā.iyāñ milīñ

dekhā to āsmān bhī sar par lagā mujhe

tujh se bichhaḌ ke ye mirī āñkhoñ ko kyā huā

jis par nazar paḌī tirā paikar lagā mujhe

ye kis ne aa ke shahr kā naqsha badal diyā

dekhā hai jis kisī ko vo be-ghar lagā mujhe

simTā tirā ḳhayāl to dil meñ samā gayā

phailā to is qadar ki samundar lagā mujhe

'bismil' vo merī jaan kā dushman to thā magar

kyuuñ puurī kā.enāt se behtar lagā mujhe

kitna 'ajib shab ka ye manzar laga mujhe

taron ki saf mein chand suKHanwar laga mujhe

socha to ham-safar mujhe tanhaiyan milin

dekha to aasman bhi sar par laga mujhe

tujh se bichhaD ke ye meri aankhon ko kya hua

jis par nazar paDi tera paikar laga mujhe

ye kis ne aa ke shahr ka naqsha badal diya

dekha hai jis kisi ko wo be-ghar laga mujhe

simTa tera KHayal to dil mein sama gaya

phaila to is qadar ki samundar laga mujhe

'bismil' wo meri jaan ka dushman to tha magar

kyun puri kaenat se behtar laga mujhe