kiya hai sandalin-rangon ne dar band

kiyā hai sandalīñ-rañgoñ ne dar band

mirā ho kis tarah se dard-e-sar band

nahīñ haiñ tere dām-e-zulf meñ dil

laTakte haiñ hazāroñ murġh par-band

nahīñ but-ḳhāna o ka.aba pe mauqūf

huā har ek patthar meñ sharar band

raqīboñ se huī hai bazm ḳhālī

karo darvāza be-ḳhauf-o-ḳhatar band

tamāshā band āñkhoñ meñ hai mujh ko

huī merī ba-zāhir chashm-e-tar band

nahīñ duniyā meñ āzādī kisī ko

hai din meñ shams aur shab ko qamar band

dikhāo mai-kasho ab zor-e-mastī

kiyā zāhid ne mai-ḳhāne kā dar band

dar-e-jānāñ bhī ik marja.a hai 'bahrām'

hujūm-e-āshiqāñ hai rahguzar band

kiya hai sandalin-rangon ne dar band

mera ho kis tarah se dard-e-sar band

nahin hain tere dam-e-zulf mein dil

laTakte hain hazaron murgh par-band

nahin but-KHana o kaba pe mauquf

hua har ek patthar mein sharar band

raqibon se hui hai bazm KHali

karo darwaza be-KHauf-o-KHatar band

tamasha band aankhon mein hai mujh ko

hui meri ba-zahir chashm-e-tar band

nahin duniya mein aazadi kisi ko

hai din mein shams aur shab ko qamar band

dikhao mai-kasho ab zor-e-masti

kiya zahid ne mai-KHane ka dar band

dar-e-jaanan bhi ek marja hai 'bahram'

hujum-e-ashiqan hai rahguzar band