koi pahle to koi baad mein ayyar hua

koī pahle to koī baad meñ ayyār huā

apnī ḳhvāhish pe jo vābasta-e-darbār huā

ik tahī-jeb kī zaarī koī suntā kaise

raa.ij aise hī nahīñ sikka-e-dīnār huā

baat sultān se kyā taḳhliye meñ us kī huī

maslahat-kesh batāne pe na tayyār huā

muḳhbirī merī huī chashm-e-zadan meñ kaisī

qasr-e-dil hī meñ saarā thā ki mismār huā

raah meñ aa.e hue shāna-e-kohsār ke saath

abr Takrā ke jo palTā to guhar-bār havā

apnī haq-goī ke bā-vasf nigūñ-sārī par

dosh par apne mirā sar hī mujhe baar huā

haañ ye mumkin hai magar itnā zarūrī bhī nahīñ

jo koī pyaar meñ haarā vahī fankār huā

ik nazar us ne uchaTtī huī kī thī 'yāsir'

aur phir shahr meñ rahnā mujhe dushvār huā

koi pahle to koi baad mein ayyar hua

apni KHwahish pe jo wabasta-e-darbar hua

ek tahi-jeb ki zari koi sunta kaise

raij aise hi nahin sikka-e-dinar hua

baat sultan se kya taKHliye mein us ki hui

maslahat-kesh batane pe na tayyar hua

muKHbiri meri hui chashm-e-zadan mein kaisi

qasr-e-dil hi mein sara tha ki mismar hua

rah mein aae hue shana-e-kohsar ke sath

abr Takra ke jo palTa to guhar-bar hawa

apni haq-goi ke ba-wasf nigun-sari par

dosh par apne mera sar hi mujhe bar hua

han ye mumkin hai magar itna zaruri bhi nahin

jo koi pyar mein haara wahi fankar hua

ek nazar us ne uchaTti hui ki thi 'yasir'

aur phir shahr mein rahna mujhe dushwar hua