kuchh Dubta ubharta sa rahta hai samne

kuchh Dūbtā ubhartā sā rahtā hai sāmne

har lamha ik tilism-e-tamāsha hai sāmne

uḌtī hai sehn-e-dil meñ tahī-manzarī kī ḳhaak

rañgoñ kā ik hujūm sā bikhrā hai sāmne

bikhrī huī hai dhund sar-e-shīsha-e-talab

be-rañg-o-nūr aks-e-tamannā hai sāmne

zulmāt-e-intishār meñ āñkheñ khulī rakho

tum jis ko DhūñDte ho vo duniyā hai sāmne

ik ḳhauf-e-be-panāh hai āñkhoñ ke ār-pār

tārīkiyoñ meñ Dūbtā lamha hai sāmne

ham phir bhī justujū meñ bhaTakte haiñ dar-ba-dar

hālāñki har qadam pe vo rahtā hai sāmne

kuchh Dubta ubharta sa rahta hai samne

har lamha ek tilism-e-tamasha hai samne

uDti hai sehn-e-dil mein tahi-manzari ki KHak

rangon ka ek hujum sa bikhra hai samne

bikhri hui hai dhund sar-e-shisha-e-talab

be-rang-o-nur aks-e-tamanna hai samne

zulmat-e-intishaar mein aankhen khuli rakho

tum jis ko DhunDte ho wo duniya hai samne

ek KHauf-e-be-panah hai aankhon ke aar-par

tarikiyon mein Dubta lamha hai samne

hum phir bhi justuju mein bhaTakte hain dar-ba-dar

haalanki har qadam pe wo rahta hai samne