kuchh KHwab kuchh KHayal mein mastur ho gae

kuchh ḳhvāb kuchh ḳhayāl meñ mastūr ho ga.e

tum kyā qarīb nikle ki sab duur ho ga.e

āñkhoñ ke dar the band to jiinā muhāl thā

āñkheñ khulīñ to aur bhī ma.azūr ho ga.e

aise chhape ki surma-e-chashm-e-jahāñ hue

aise khule ki barq-e-sar-e-tūr ho ga.e

jādūgarī ke raaz se nā-āshnā na the

ham to tire ḳhayāl se majbūr ho ga.e

miTTī pe aa ga.ī thī zarā der ko bahār

bas log itnī baat pe maġhrūr ho ga.e

patthar to puuje jaate haiñ is raah meñ 'jamīl'

tum to zarā sī Thes lagī chuur ho ga.e

kuchh KHwab kuchh KHayal mein mastur ho gae

tum kya qarib nikle ki sab dur ho gae

aankhon ke dar the band to jina muhaal tha

aankhen khulin to aur bhi mazur ho gae

aise chhape ki surma-e-chashm-e-jahan hue

aise khule ki barq-e-sar-e-tur ho gae

jadugari ke raaz se na-ashna na the

hum to tere KHayal se majbur ho gae

miTTi pe aa gai thi zara der ko bahaar

bas log itni baat pe maghrur ho gae

patthar to puje jate hain is rah mein 'jamil'

tum to zara si Thes lagi chur ho gae