kul jahan ek aaina hai husn ki tahrir ka

kul jahāñ ik ā.īna hai husn kī tahrīr kā

haal kis patthar pe likkhā hai mirī taqdīr kā

chāñd us kā āsmāñ us kā sar-e-shām-e-visāl

jis pe saaya ho tirī zulf-e-sitāra-gīr kā

kī na chashm-e-shauq ne jumbish-e-hujūm-e-rañg meñ

mujh pe taarī ho gayā aalam tirī tasvīr kā

maiñ use samjhūñ na samjhūñ dil ko hotā hai zarūr

laala o gul par gumāñ ik ajnabī tahrīr kā

chain se donoñ nahīñ is ālam-e-ehsās meñ

maiñ tirī chup kā huuñ zaḳhmī tū mirī taqrīr kā

kul jahan ek aaina hai husn ki tahrir ka

haal kis patthar pe likkha hai meri taqdir ka

chand us ka aasman us ka sar-e-sham-e-visal

jis pe saya ho teri zulf-e-sitara-gir ka

ki na chashm-e-shauq ne jumbish-e-hujum-e-rang mein

mujh pe tari ho gaya aalam teri taswir ka

main use samjhun na samjhun dil ko hota hai zarur

lala o gul par guman ek ajnabi tahrir ka

chain se donon nahin is aalam-e-ehsas mein

main teri chup ka hun zaKHmi tu meri taqrir ka