kuza jaise ki chhalak jae hai bhar jaane par

kuuza jaise ki chhalak jaa.e hai bhar jaane par

koī aañsū hī bahā de mire mar jaane par

kaam aaya nahīñ merā tah-e-dariyā honā

pichhle sāhil se bhī nākām ubhar jaane par

hai ḳhabar jhūTī magar phir bhī ḳhabar bhejī jaa.e

kyā ḳhabar koī yaqīñ kar le ḳhabar jaane par

koh-e-dil koī bhī lamha kabhī ḳhālī na rahā

ek vīrānī rahī ġham ke utar jaane par

bujh gayā vaqt se pahle jo diyā vo maiñ huuñ

ḳhush nahīñ hotī havā mere Thahar jaane par

toḌ kar mujh ko kisī dil ko sukūñ aatā hai

aur simTegā koī ḳhaak bikhar jaane par

yā to yuuñ ho ke kabhī vaqt pe kaam aa jaa.e

kaam 'amrit' kā nahīñ dard guzar jaane par

kuza jaise ki chhalak jae hai bhar jaane par

koi aansu hi baha de mere mar jaane par

kaam aaya nahin mera tah-e-dariya hona

pichhle sahil se bhi nakaam ubhar jaane par

hai KHabar jhuTi magar phir bhi KHabar bheji jae

kya KHabar koi yaqin kar le KHabar jaane par

koh-e-dil koi bhi lamha kabhi KHali na raha

ek virani rahi gham ke utar jaane par

bujh gaya waqt se pahle jo diya wo main hun

KHush nahin hoti hawa mere Thahar jaane par

toD kar mujh ko kisi dil ko sukun aata hai

aur simTega koi KHak bikhar jaane par

ya to yun ho ke kabhi waqt pe kaam aa jae

kaam 'amrit' ka nahin dard guzar jaane par