kya bataen haal-e-dil unki shanasai ke baad
kyā batā.eñ hāl-e-dil un kī shanāsā.ī ke ba.ad
habs baḌhtā hī chalā jaatā hai purvā.ī ke ba.ad
ek muddat par ḳhayāl un kā kahāñ se aa gayā
kitnī achchhī anjuman lagtī hai tanhā.ī ke ba.ad
jab nazar aayā na sāhil un kī chashm-e-nāz meñ
kyā dikhā.ī degā vo dariyā kī gahrā.ī ke ba.ad
dar-ba-dar kī Thokareñ khā.īñ mohabbat meñ to kyā
ho ga.e ham mohtaram kuchh aur rusvā.ī ke ba.ad
ham kahāñ hoñge na jaane is tamāshā-gāh meñ
kis tamāshā.ī se pahle kis tamāshā.ī ke ba.ad
un ke baare meñ faqat itnā hameñ ma.alūm hai
ab vo rahte haiñ hamāre dil kī añgnā.ī ke ba.ad
ḳhuub hai 'afsar' hameñ apnī haqīqat kī ḳhabar
kyā hamārā nāla-e-dil un kī shahnā.ī ke ba.ad
kya bataen haal-e-dil un ki shanasai ke baad
habs baDhta hi chala jata hai purwai ke baad
ek muddat par KHayal un ka kahan se aa gaya
kitni achchhi anjuman lagti hai tanhai ke baad
jab nazar aaya na sahil un ki chashm-e-naz mein
kya dikhai dega wo dariya ki gahrai ke baad
dar-ba-dar ki Thokaren khain mohabbat mein to kya
ho gae hum mohtaram kuchh aur ruswai ke baad
hum kahan honge na jaane is tamasha-gah mein
kis tamashai se pahle kis tamashai ke baad
un ke bare mein faqat itna hamein malum hai
ab wo rahte hain hamare dil ki angnai ke baad
KHub hai 'afsar' hamein apni haqiqat ki KHabar
kya hamara nala-e-dil un ki shahnai ke baad
- Book : Pakistani Adab (Pg. 336)
- Author : Dr. Rashid Amjad
- Publication : Pakistan Academy of Letters, Islambad, Pakistan (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
