kya karishma tha KHudaya der tak

kyā karishma thā ḳhudāyā der tak

ḳhud ko kho kar ḳhud ko paayā der tak

chhū ke lauTā jab tujhe merā ḳhayāl

hosh meñ vāpas na aayā der tak

kal koī jhoñkā havā kā chhū gayā

aur phir tū yaad aayā der tak

ham tirī āġhosh meñ the raat bhar

''māh-e-kāmil muskurāyā der tak''

kal tire ehsās kī bārish tale

merā sūnā-pan nahāyā der tak

sun ke bhīgī raat kī sargoshiyāñ

ik kuñvārā-pan lajāyā der tak

kya karishma tha KHudaya der tak

KHud ko kho kar KHud ko paya der tak

chhu ke lauTa jab tujhe mera KHayal

hosh mein wapas na aaya der tak

kal koi jhonka hawa ka chhu gaya

aur phir tu yaad aaya der tak

hum teri aaghosh mein the raat bhar

mah-e-kaamil muskuraya der tak

kal tere ehsas ki barish tale

mera suna-pan nahaya der tak

sun ke bhigi raat ki sargoshiyan

ek kunwara-pan lajaya der tak