kya KHabar thi munharif ahl-e-jahan ho jaenge
kyā ḳhabar thī munharif ahl-e-jahāñ ho jā.eñge
hote hote mehrbāñ nā-mehrbāñ ho jā.eñge
muskurā kar un kā milnā aur bichhaḌnā ruuTh kar
bas yahī do lafz ik din dāstāñ ho jā.eñge
ishq sādiq hai to apne azm-e-manzil kī qasam
har qadam par saath lākhoñ kārvāñ ho jā.eñge
ye ma.āl-e-ishq hogā ye kise mālūm thā
dil ke naġhme ek din āh-o-fuġhāñ ho jā.eñge
gar tarannum par hī 'dānish' munhasir hai shā.irī
phir to duniyā bhar ke shā.ir naġhma-ḳhvāñ ho jā.eñge
kya KHabar thi munharif ahl-e-jahan ho jaenge
hote hote mehrban na-mehrban ho jaenge
muskura kar un ka milna aur bichhaDna ruTh kar
bas yahi do lafz ek din dastan ho jaenge
ishq sadiq hai to apne azm-e-manzil ki qasam
har qadam par sath lakhon karwan ho jaenge
ye maal-e-ishq hoga ye kise malum tha
dil ke naghme ek din aah-o-fughan ho jaenge
gar tarannum par hi 'danish' munhasir hai shairi
phir to duniya bhar ke shair naghma-KHwan ho jaenge
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
