kya shahr mein hai garmi-e-bazar ke siwa
kyā shahr meñ hai garmi-e-bāzār ke sivā
sab ajnabī haiñ ek dil-e-zār ke sivā
is dasht-e-be-ḳhudī meñ ki duniyā kaheñ jise
ġhāfil sabhī haiñ ik nigah-e-yār ke sivā
chehroñ ke chāñd raakh hue baam bujh ga.e
kuchh bhī bachā na hasrat-e-dīdār ke sivā
aalam tamām tīrgi-e-dard-e-muzmahil
haañ ik faroġh-e-shola-e-ruḳhsār ke sivā
saarī shafaq sameT ke sūraj chalā gayā
ab kyā rahā hai mauj-e-shab-e-tār ke sivā
jis samt dekhiye hai salīboñ kī ik qatār
koī ufuq nahīñ ufuq-e-dār ke sivā
kya shahr mein hai garmi-e-bazar ke siwa
sab ajnabi hain ek dil-e-zar ke siwa
is dasht-e-be-KHudi mein ki duniya kahen jise
ghafil sabhi hain ek nigah-e-yar ke siwa
chehron ke chand rakh hue baam bujh gae
kuchh bhi bacha na hasrat-e-didar ke siwa
aalam tamam tirgi-e-dard-e-muzmahil
han ek farogh-e-shola-e-ruKHsar ke siwa
sari shafaq sameT ke suraj chala gaya
ab kya raha hai mauj-e-shab-e-tar ke siwa
jis samt dekhiye hai salibon ki ek qatar
koi ufuq nahin ufuq-e-dar ke siwa
Source:
Aazadi ke baad dehli men urdu gazal (Pg. 68)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
