kya tamasha dekhiye tahsil-e-la-hasil mein hai

kyā tamāshā dekhiye tahsīl-e-lā-hāsil meñ hai

ek duniyā kā mazā duniyā-e-āb-o-gil meñ hai

dekh ye jazb-e-mohabbat kā karishma to nahīñ

kal jo tere dil meñ thā vo aaj mere dil meñ hai

maiñ bhalā kis se kahūñ kyā kyā kahūñ kaise kahūñ

maut se pahle hī mar jaane kī ḳhvāhish dil meñ hai

mauj o shorish inqalāb o iztirāb o rust-o-ḳhez

hai mazā sāhil meñ kab jo dūrī-e-sāhil meñ hai

jhāñk kar dil meñ zarā ye to batā diije huzūr

merī qismat kā sitāra kaun sī manzil meñ hai

mujh ko bhātā hī nahīñ ik aañkh husn-e-kā.enāt

haañ magar vo jo tire ruḳhsār ke ik til meñ hai

kar diyā begāna-e-ġham-hā-e-duniyā ishq ne

mujh ko āsānī yahī to apnī is mushkil meñ hai

terā maazī haal se dast-o-garebāñ gir rahā

maiñ batātā huuñ jo 'sarvar' tere mustaqbil meñ hai

kya tamasha dekhiye tahsil-e-la-hasil mein hai

ek duniya ka maza duniya-e-ab-o-gil mein hai

dekh ye jazb-e-mohabbat ka karishma to nahin

kal jo tere dil mein tha wo aaj mere dil mein hai

main bhala kis se kahun kya kya kahun kaise kahun

maut se pahle hi mar jaane ki KHwahish dil mein hai

mauj o shorish inqalab o iztirab o rust-o-KHez

hai maza sahil mein kab jo duri-e-sahil mein hai

jhank kar dil mein zara ye to bata dije huzur

meri qismat ka sitara kaun si manzil mein hai

mujh ko bhata hi nahin ek aankh husn-e-kaenat

han magar wo jo tere ruKHsar ke ek til mein hai

kar diya begana-e-gham-ha-e-duniya ishq ne

mujh ko aasani yahi to apni is mushkil mein hai

tera mazi haal se dast-o-gareban gir raha

main batata hun jo 'sarwar' tere mustaqbil mein hai