kyun zulm Dha raha hun main apne wajud par

kyuuñ zulm Dhā rahā huuñ maiñ apne vajūd par

kīchaḌ uchhāltā huuñ maiñ apne vajūd par

inkār kar ke ḳhud hī maiñ apne vajūd kā

ġhussa utārtā huuñ maiñ apne vajūd par

kyā chāhtā huuñ ḳhud se mujhe ḳhud nahīñ patā

aur ta.an chhoḌtā huuñ maiñ apne vajūd par

Dar hai koī churā na le mujh se kabhī mujhe

pahre lagā rahā huuñ maiñ apne vajūd par

kar ke ḳhud apne saare subūtoñ ko mustarad

uñglī uThā rahā huuñ maiñ apne vajūd par

'nāyāb' mujh se faiz uThātā hai har koī

kab dāġh-e-bad-numā huuñ maiñ apne vajūd par

kyun zulm Dha raha hun main apne wajud par

kichaD uchhaalta hun main apne wajud par

inkar kar ke KHud hi main apne wajud ka

ghussa utarta hun main apne wajud par

kya chahta hun KHud se mujhe KHud nahin pata

aur tan chhoDta hun main apne wajud par

Dar hai koi chura na le mujh se kabhi mujhe

pahre laga raha hun main apne wajud par

kar ke KHud apne sare subuton ko mustarad

ungli uTha raha hun main apne wajud par

'nayab' mujh se faiz uThata hai har koi

kab dagh-e-bad-numa hun main apne wajud par