لب و رخسار و جبیں سے ملئے
جی نہیں بھرتا کہیں سے ملئے
یوں نہ اس دل کے مکیں سے ملئے
آسماں بن کے زمیں سے ملئے
گھٹ کے رہ جاتی ہے رسوائی تک
کیا کسی پردہ نشیں سے ملئے
کیوں حرم میں یہ خیال آتا ہے
اب کسی دشمن دیں سے ملئے
جی نہ بہلے رم آہو سے تو پھر
طائر سدرہ نشیں سے ملئے
بجھ گیا دل تو خرابی ہوئی ہے
پھر کسی شعلہ جبیں سے ملئے
وہ کوئی حاکم دوراں تو نہیں
مت ڈریں ان کی نہیں سے ملئے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.