lu ho saba ho ya purwai sab ke sath chalo
lū ho sabā ho yā purvā.ī sab ke saath chalo
sab haiñ said-e-rah-e-tanhā.ī sab ke saath chalo
mār-e-āstīñ har har dost ho yā phir aise nasīb
haath meñ ho vo dast-e-hinā.ī sab ke saath chalo
sar huā ūñchā qalb kushāda kyā kam hai ye atā
sañg mileñ yā tamġhe talā.ī sab ke saath chalo
har har saañs havā amrit ras meñ yā Duubī bas meñ
vasl ho yā āshob-e-judā.ī sab ke saath chalo
rāh-e-shauq meñ jaane kaun kahāñ thak kar rah jaa.e
farzāne hoñ yā saudā.ī sab ke saath chalo
lu ho saba ho ya purwai sab ke sath chalo
sab hain said-e-rah-e-tanhai sab ke sath chalo
mar-e-astin har har dost ho ya phir aise nasib
hath mein ho wo dast-e-hinai sab ke sath chalo
sar hua uncha qalb kushada kya kam hai ye ata
sang milen ya tamghe talai sab ke sath chalo
har har sans hawa amrit ras mein ya Dubi bas mein
wasl ho ya aashob-e-judai sab ke sath chalo
rah-e-shauq mein jaane kaun kahan thak kar rah jae
farzane hon ya saudai sab ke sath chalo
- Book : Pakistani Adab (Pg. 422)
- Author : Dr. Rashid Amjad
- Publication : Pakistan Academy of Letters, Islambad, Pakistan (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
