mah o anjum ki raushni gum hai

maah o anjum kī raushnī gum hai

kyā har ik bazm se ḳhushī gum hai

chāñd dhuñdlā hai chāñdnī gum hai

husn vāloñ meñ dil-kashī gum hai

zindagī gum na dostī gum hai

ye haqīqat hai aadmī gum hai

is taraqqī ko aur kyā kahiye

shahr se sidq kī galī gum hai

phuul lākhoñ haiñ sehn-e-gulshan meñ

un kī hoñToñ kī go hañsī gum hai

mehnat-e-bāġh-bāñ kā zikr nahīñ

ġhul hai phūloñ se dil-kashī gum hai

hai taraqqī na.e adab kī ye

she’r se husn-e-shā.irī gum hai

ġham batāo 'kañval' kahāñ DhūñDūñ

bazm-e-ālam se dostī gum hai

mah o anjum ki raushni gum hai

kya har ek bazm se KHushi gum hai

chand dhundla hai chandni gum hai

husn walon mein dil-kashi gum hai

zindagi gum na dosti gum hai

ye haqiqat hai aadmi gum hai

is taraqqi ko aur kya kahiye

shahr se sidq ki gali gum hai

phul lakhon hain sehn-e-gulshan mein

un ki honTon ki go hansi gum hai

mehnat-e-bagh-ban ka zikr nahin

ghul hai phulon se dil-kashi gum hai

hai taraqqi nae adab ki ye

she’r se husn-e-shairi gum hai

gham batao 'kanwal' kahan DhunDun

bazm-e-alam se dosti gum hai