mahsus lams jis ka sar-e-rah-guzar kiya
mahsūs lams jis kā sar-e-rah-guzar kiyā
saayā thā vo usī kā jise ham-safar kiyā
kuchh be-Thikāna kartī rahīñ hijrateñ mudām
kuchh merī vahshatoñ ne mujhe dar-ba-dar kiyā
rahnā nahīñ thā saath kisī ke magar rahe
karnā nahīñ thā yaad kisī ko magar kiyā
tū aa.ina bhī aap thā aur aks bhī thā aap
tere jamāl hī ne tujhe ḳhush-nazar kiyā
vo jis Dagar milegā vahīñ mar miTūñgā maiñ
tum dekhnā safar kā irāda agar kiyā
jab zindagī guzār dī aayā hai tab ḳhayāl
kyuuñ us kā intizār 'zafar' umr bhar kiyā
mahsus lams jis ka sar-e-rah-guzar kiya
saya tha wo usi ka jise ham-safar kiya
kuchh be-Thikana karti rahin hijraten mudam
kuchh meri wahshaton ne mujhe dar-ba-dar kiya
rahna nahin tha sath kisi ke magar rahe
karna nahin tha yaad kisi ko magar kiya
tu aaina bhi aap tha aur aks bhi tha aap
tere jamal hi ne tujhe KHush-nazar kiya
wo jis Dagar milega wahin mar miTunga main
tum dekhna safar ka irada agar kiya
jab zindagi guzar di aaya hai tab KHayal
kyun us ka intizar 'zafar' umr bhar kiya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
