main apne-ap se barham tha wo KHafa mujhse

Farhat Shahzad

main apne-ap se barham tha wo KHafa mujhse

Farhat Shahzad

MORE BYFarhat Shahzad

    maiñ apne-āp se barham thā vo ḳhafā mujh se

    sukūñ se kaise guzartā ye rāsta mujh se

    ġhazal sunā ke kabhī nazm gungunā ke mirī

    vo kah rahā thā mire dil mājrā mujh se

    guzar ke vaqt ne gūñgā banā diyā thā jinheñ

    vo lafz maañg rahe haiñ na.ī sadā mujh se

    na gul koī ḳhabar hai na baat gulshan

    ḳhafā lagtī hai kuchh roz se sabā mujh se

    vo jis ne ḳhvāb mire pal meñ qatl kar Daale

    ḳhirāj māñgne aayā hai ḳhuun mujh se

    niyāz-mand rahā maiñ bhī us sab tarah

    ki koī bhāñp na le us silsila mujh se

    aziiz mujh ko haiñ tūfān sāhiloñ se sivā

    isī liye hai ḳhafā merā nāḳhudā mujh se

    na jaane kaun mahfil meñ kis ke saath huuñ maiñ

    hai munqat'a mirā apnā bhī rābta mujh se

    bas ek baar nazar bhar ke maiñ ne dekhā thā

    nazar milā na sakā phir vo be-vafā mujh se

    main apne-ap se barham tha wo KHafa mujh se

    sukun se kaise guzarta ye rasta mujh se

    ghazal suna ke kabhi nazm gunguna ke meri

    wo kah raha tha mere dil ka majra mujh se

    guzar ke waqt ne gunga bana diya tha jinhen

    wo lafz mang rahe hain nai sada mujh se

    na gul ki koi KHabar hai na baat gulshan ki

    KHafa si lagti hai kuchh roz se saba mujh se

    wo jis ne KHwab mere pal mein qatl kar Dale

    KHiraj mangne aaya hai KHun ka mujh se

    niyaz-mand raha main bhi us ka sab ki tarah

    ki koi bhanp na le us ka silsila mujh se

    aziz mujh ko hain tufan sahilon se siwa

    isi liye hai KHafa mera naKHuda mujh se

    na jaane kaun si mahfil mein kis ke sath hun main

    hai munqat'a mera apna bhi rabta mujh se

    bas ek bar nazar bhar ke main ne dekha tha

    nazar mila na saka phir wo be-wafa mujh se

    Source :
    • Book : Aaina Jhuta hai (Pg. 271)
    • Author : Farhat Shahzad
    • Publication : Al-hamd Publication (1997)
    • Edition : 1997
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY