aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

main ki ab teri hi diwar ka ek saya hun

Farigh Bukhari

main ki ab teri hi diwar ka ek saya hun

Farigh Bukhari

MORE BYFarigh Bukhari

    maiñ ki ab terī dīvār ik saayā huuñ

    kitne be-ḳhvāb darīchoñ se guzar aayā huuñ

    mujh ko ehsās hai hālāt majbūrī

    bevafā kah ke tujhe aap bhī sharmāyā huuñ

    mujh ko mat dekh mire zauq-e-samā.at ko to dekh

    ki tire jism har taan pe lahrāyā huuñ

    ai mo.arriḳh mirī ujḌī huī sūrat pe na

    shahr-e-vīrāñ huuñ magar vaqt sarmāya huuñ

    raushnī phail ga.ī hai mirī ḳhushbū tarah

    maiñ bhī jalte hue sahrāoñ ham-sāyā huuñ

    ham-safar laakh mirī raah patthar bhī bane

    phir bhī zehnoñ ke dar-o-bām pe lahrāyā huuñ

    na.ī manzil junūñ tohmat-e-gumrāhī hai

    pā-shikasta bhī tirī raah meñ kahlāyā huuñ

    phir numū paa.ī hai ik dard-e-ḳhush-āġhāz ke saath

    dahr meñ jur.at-e-iz.hār pairāya huuñ

    umr bhar but-shikanī kartā rahā aaj magar

    apnī zaat ke kohsār se Takrāyā huuñ

    dahr meñ azmat-e-ādam nishāñ huuñ 'fāriġh'

    kabhī kohsār kabhī daar pe lahrāyā huuñ

    main ki ab teri hi diwar ka ek saya hun

    kitne be-KHwab darichon se guzar aaya hun

    mujh ko ehsas hai haalat ki majburi ka

    bewafa kah ke tujhe aap bhi sharmaya hun

    mujh ko mat dekh mere zauq-e-samaat ko to dekh

    ki tere jism ki har tan pe lahraya hun

    ai moarriKH meri ujDi hui surat pe na ja

    shahr-e-viran hun magar waqt ka sarmaya hun

    raushni phail gai hai meri KHushbu ki tarah

    main bhi jalte hue sahraon ka ham-saya hun

    ham-safar lakh meri rah ka patthar bhi bane

    phir bhi zehnon ke dar-o-baam pe lahraya hun

    nai manzil ka junun tohmat-e-gumrahi hai

    pa-shikasta bhi teri rah mein kahlaya hun

    phir numu pai hai ek dard-e-KHush-aghaz ke sath

    dahr mein jurat-e-izhaar ka pairaya hun

    umr bhar but-shikani karta raha aaj magar

    apni hi zat ke kohsar se Takraya hun

    dahr mein azmat-e-adam ka nishan hun 'farigh'

    kabhi kohsar kabhi dar pe lahraya hun

    Source:

    Funoon(Jadeed Ghazal Number: Volume-002) (Pg. 212)

      • Edition: 1969
      • Publisher: Ahmad Nadeem Qasmi
      • Year of Publication: 1969
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now