main nahin ja paunga yaro su-e-gulzar abhi

maiñ nahīñ jā pā.ūñgā yaaro sū-e-gulzār abhī

dekhnī hai āb-jū-e-zīst kī raftār abhī

kar chukā huuñ paar ye dariyā na jaane kitnī baar

paar ye dariyā karūñgā aur kitnī baar abhī

ghuum phir kar dasht-o-sahrā phir vahīñ le aa.e paañv

dil nahīñ hai shāyad is nazzāre se be-zār abhī

kāvish-e-paiham abhī ye silsila rukne na paa.e

jaan abhī āñkhoñ meñ hai aur paañv meñ raftār abhī

ai mire armān-e-dil bas ik zarā kuchh aur sabr

raat abhī kaTne ko hai milne ko bhī hai yaar abhī

jazba-e-dil dekhnā bhaTkā na denā raah se

muntazir hogā mirā bhī ḳhud mirā dil-dār abhī

hoñgī to is rah-guzar meñ bhī kamīñ-gāheñ hazār

phir bhī ye bār-e-safar kyuuñ ho mujhe dushvār abhī

main nahin ja paunga yaro su-e-gulzar abhi

dekhni hai aab-ju-e-zist ki raftar abhi

kar chuka hun par ye dariya na jaane kitni bar

par ye dariya karunga aur kitni bar abhi

ghum phir kar dasht-o-sahra phir wahin le aae panw

dil nahin hai shayad is nazzare se be-zar abhi

kawish-e-paiham abhi ye silsila rukne na pae

jaan abhi aankhon mein hai aur panw mein raftar abhi

ai mere arman-e-dil bas ek zara kuchh aur sabr

raat abhi kaTne ko hai milne ko bhi hai yar abhi

jazba-e-dil dekhna bhaTka na dena rah se

muntazir hoga mera bhi KHud mera dil-dar abhi

hongi to is rah-guzar mein bhi kamin-gahen hazar

phir bhi ye bar-e-safar kyun ho mujhe dushwar abhi