maine ai dil tujhe sine se lagaya hua hai

Ajmal Siraj

maine ai dil tujhe sine se lagaya hua hai

Ajmal Siraj

MORE BYAjmal Siraj

    maiñ ne ai dil tujhe siine se lagāyā huā hai

    aur hai ki mirī jaan ko aayā huā hai

    bas isī bojh se dohrī huī jaatī hai kamar

    zindagī jo ye ehsān uThāyā huā hai

    kyā huā gar nahīñ bādal ye barasne vaalā

    ye bhī kuchh kam to nahīñ hai jo ye aayā huā hai

    raah chaltī huī is rāhguzar par 'ajmal'

    ham samajhte haiñ qadam ham ne jamāyā huā hai

    ham ye samjhe the ki ham bhuul ga.e haiñ us ko

    aaj be-tarah hameñ yaad jo aayā huā hai

    vo kisī roz havāoñ tarah aa.egā

    raah meñ jis diyā ham ne jalāyā huā hai

    kaun batlā.e use apnā yaqīñ hai ki nahīñ

    vo jise ham ne ḳhudā apnā banāyā huā hai

    yūñhī dīvāna banā phirtā hai varna 'ajmal'

    dil meñ baiThā huā hai zehn pe chhāyā huā hai

    main ne ai dil tujhe sine se lagaya hua hai

    aur tu hai ki meri jaan ko aaya hua hai

    bas isi bojh se dohri hui jati hai kamar

    zindagi ka jo ye ehsan uThaya hua hai

    kya hua gar nahin baadal ye barasne wala

    ye bhi kuchh kam to nahin hai jo ye aaya hua hai

    rah chalti hui is rahguzar par 'ajmal'

    hum samajhte hain qadam hum ne jamaya hua hai

    hum ye samjhe the ki hum bhul gae hain us ko

    aaj be-tarah hamein yaad jo aaya hua hai

    wo kisi roz hawaon ki tarah aaega

    rah mein jis ki diya hum ne jalaya hua hai

    kaun batlae use apna yaqin hai ki nahin

    wo jise hum ne KHuda apna banaya hua hai

    yunhi diwana bana phirta hai warna 'ajmal'

    dil mein baiTha hua hai zehn pe chhaya hua hai

    Source :
    • Book : duniyaa zaad (Pg. 206)
    • Author : aasif farrakhii
    • Publication : the sami sanz printer karachi (2005)
    • Edition : 2005

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now