maine socha hai raat-bhar tumko

maiñ ne sochā hai rāt-bhar tum ko

kaash ho jaa.e ye ḳhabar tum ko

zindagī meñ kabhī kisī ko bhī

maiñ ne chāhā nahīñ magar tum ko

jāntī huuñ ki tum nahīñ maujūd

DhūñDhtī hai magar nazar tum ko

tum bhī afsos rāh-rau nikle

maiñ to samjhī thī ham-safar tum ko

mujh meñ ab maiñ nahīñ rahī baaqī

maiñ ne chāhā hai is qadar tum ko

main ne socha hai raat-bhar tum ko

kash ho jae ye KHabar tum ko

zindagi mein kabhi kisi ko bhi

main ne chaha nahin magar tum ko

jaanti hun ki tum nahin maujud

DhunDhti hai magar nazar tum ko

tum bhi afsos rah-rau nikle

main to samjhi thi ham-safar tum ko

mujh mein ab main nahin rahi baqi

main ne chaha hai is qadar tum ko