main ret ka mahal hun mere pasban daraKHt

maiñ ret kā mahal huuñ mire pāsbāñ daraḳht

siine pe rok lete haiñ sab āñdhiyāñ daraḳht

dekhe ga.e the jis ke tale do javāñ badan

logoñ ne TukḌe TukḌe kiyā vo javāñ daraḳht

DhūñDeñge ab parind kahāñ shaam ko panāh

jañgal kī aag khā ga.ī sab Dāliyāñ daraḳht

phaldār thā to gaañv use pūjtā rahā

sūkhā to qatl ho gayā vo be-zabāñ daraḳht

sūraj thā dukh kā sar pe ki thiiñ ġham kī bārisheñ

dasht-e-safar meñ mere bane sā.ebāñ daraḳht

kaisī havā chalī hai ki phir chīḳh chīḳh kar

sab ko sunā ga.e haiñ mirī dāstāñ daraḳht

sau baar mere jism ko chhū kar ga.ī bahār

phir bhī huuñ 'ashk' sūkhā huā nīm-jāñ daraḳht

main ret ka mahal hun mere pasban daraKHt

sine pe rok lete hain sab aandhiyan daraKHt

dekhe gae the jis ke tale do jawan badan

logon ne TukDe TukDe kiya wo jawan daraKHt

DhunDenge ab parind kahan sham ko panah

jangal ki aag kha gai sab Daliyan daraKHt

phaldar tha to ganw use pujta raha

sukha to qatl ho gaya wo be-zaban daraKHt

suraj tha dukh ka sar pe ki thin gham ki barishen

dasht-e-safar mein mere bane saeban daraKHt

kaisi hawa chali hai ki phir chiKH chiKH kar

sab ko suna gae hain meri dastan daraKHt

sau bar mere jism ko chhu kar gai bahaar

phir bhi hun 'ashk' sukha hua nim-jaan daraKHt