main sar chhupaun kahan saya-e-nazar ke baghair
maiñ sar chhupā.ūñ kahāñ sāya-e-nazar ke baġhair
ki tere shahr meñ rahtā huuñ aur ghar ke baġhair
mujhe vo shiddat-e-ehsās de ki dekh sukūñ
tujhe qarīb se aur minnat-e-nazar ke baġhair
ye shahr zehn se ḳhālī numū se aarī hai
balā.eñ phirtī haiñ yaañ dast o pā o sar ke baġhair
nikal ga.e haiñ jo bādal barasne vaale the
ye shahr aab ko tarsegā chashm-e-tar ke baġhair
koī nahīñ jo patā de diloñ kī hālat kā
ki saare shahr ke aḳhbār haiñ ḳhabar ke baġhair
maiñ paañv toḌ ke baiThā rahā kahīñ na gayā
'salīm' manzileñ tai ho ga.iiñ safar ke baġhair
main sar chhupaun kahan saya-e-nazar ke baghair
ki tere shahr mein rahta hun aur ghar ke baghair
mujhe wo shiddat-e-ehsas de ki dekh sukun
tujhe qarib se aur minnat-e-nazar ke baghair
ye shahr zehn se KHali numu se aari hai
balaen phirti hain yan dast o pa o sar ke baghair
nikal gae hain jo baadal barasne wale the
ye shahr aab ko tarsega chashm-e-tar ke baghair
koi nahin jo pata de dilon ki haalat ka
ki sare shahr ke aKHbar hain KHabar ke baghair
main panw toD ke baiTha raha kahin na gaya
'salim' manzilen tai ho gain safar ke baghair
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
